🤡度小月初體驗。好味嘅，其實每碟份量都唔少，幾個人叫幾碟嘢飽到癲咗，炸大腸一啲都唔肥膩，可以食好多件，豬手好入味，好彩碗米粉好細，呢度絕對適合一人一碗粉然後再加幾個小食。🧛🏻♀️唯一投訴就係有啲女員工態度十分分厭世（唔係對我好差，只係你好明顯知道佢唔想返工），只係有啲，因為有啲係Nice嘅，我都好明白請到什麼員工是公司的彩數，所以唔會直接覺得係度小月各錯。🕷希望下次我去嘅時候撞著嗰啲厭世女放假（或者轉行，唔好再做服務性行業喇）伸延少少呢個話題，究竟佢哋個樣係天生厭世，定係咁岩我去嘅時候佢哋失戀？佢哋又知唔知自己個態度俾人感覺係咁樣？定係佢哋覺得只要勤力有做嘢就已經足夠？事關呢度唔係一個自助形式嘅地方，我想唔叫你過嚟落單都唔得，見你咁嘅款我都唔想麻煩到你，但係我冇得揀。所以唔係話想扮大爺，批評你呢樣果樣，而係真係冇得揀。如果你哋天生咁樣嘅話，都係建議唔好做前線嘅服務性工作，客人唔會讚你，公司唔會讚你，唔會加你人工唔會升你職。 @ 度小月
Search